قصه ولا اروع

لما كنت بالصف الرابع الإبتدائي طلب مني أستاذ مادة الرياضيات { لوحه , صحيفه حائط..

على فكره المرشد الطلابي بالمدرسه عمي المهم لما أنتهى الدوام وركبت معي طالعين من المدرسه رايحين للبيت قلت لعمي :

أستاذ متعب طلب مني لوحه وأبيك بعد صلاة العصر توديني لمحل الخطاط حتى يسوي لي اللوحه



قبل نوصل البيت وقف عمي عند سوبرماركت وقال :ا حمد قلت نعم : قال خذ واعطاني فلوس وقال:هات لوحه وأقلام خطاط

<<< متوقع ان عمه هو اللي يبي يخطط اللوحه

وفعلا سويت اللي قال لي واشتريت صحيفه واقلام خطاط وقلت مشكور ياعم وماقصرت

قال ماسويت شي يااحمد وانت تستاهل وابي اشوف ابداعك لما تكتب اللوحه

<<<<< استغربت قلت أنا؟!

قال: أيه أنت راح تكتبتها قلت له بس انا مااعرف اكتب وخطي مو زين

قال مو انت رجال يااحمد قلت ايه رجال قال خلاص بتكتبها

وكتبت اللوحه بعد طلعت روح ولما وصلت لاخر جمله قلت الحمد لله اني سلمت منها



وبعد ماانتهيت منها قلت لازم يشوفها عمي واخذ رايه



<<< على نياته مادرى ان عمه مسويها خطه يبيه خطاط بالغصب



ولما شافها قال ماشاء الله انت مبدع انت مميز خطك حلو ومن هالرخيص

ومااخفيكم اني وقتها استانست بكلام عمي وتشجيعه



<<<< سوى مثل اللي كذب كذبه وصدقها



وبعد هالتشجيع اقول بداخلي متى يجي بكرا؟ عشان اوريها استاذ متعب وانا متحمس



ولما جى بكرا واول ماشافها استاذ متعب



كانت ملامح وجهه معصبه وبصوت عالي قال احمد: وانا ارتجف قلت نعم : استاذ



قال انا وش قلت لك قلت يااستاذ والله انا مالي دخل كلها من عمي



قال انا قلت لك لاتروح للخطاط ليش تسوي اللوحه عند الخطاط



قلت استاذ والله مو عند الخطاط انا اللي كتبت اللوحه واذا مو مصدقني خلني اكتب على السبوره



قال اوكي اكتب على السبوره ولما كتبت قال : ماشاء الله انت مبدع وخطك حلو

وقال للطلاب عطوه تحيه ولك عشر درجات وماانسى اهداني احلى هديه وقتها بسكويت ريكو { الاحمر..

<<<<< على نياته مو داري انها خطه منفذها عمي واستاذ متعب يبوني خطاط بالغصب





المهم بعد هالتشجيع والتحفييز اقول يارب متى اروح للبيت اقول للوالد والوالده ان الاستاذ مستانس على خطي وقال انت خطك حلو واهداني بسكويت ريكو



ولما جعنا للبيت وانا راكب مع عمي الله يذكره بالخير قلت عم: أستاذ متعب يقول ان خطي حلو واني متميز قال: تستاهل وانا قلت لك ان خطك حلو بس ماصدقتني وقال انا بهديك هديه: وانا بداخلي انتظر الهديه على احر من الجمر

<<< يفكر بهديه سيكل , فلوس , اتاري { بلاستيشن حالياً..

'طلعت الهديه قلم خطاط

المهم لما رجعت للبيت اول ماقابلت الوالد واذكر كان وقتها جاي من دوام وتعبان ويفكر يتغدى وينام



قلت يبه: قال نعم: قلت الاستاذ شاف لوحتي وقال ان خطي حلو واعطاني عشر درجات



قال: الله يوفقك ياوليدي وانا لك مني هديه



وكانت هديته الله يطول بعمرها احلى شي عندي وقتها فلوس



وقبل لا اتغدى او انام اجيب قلم الخطاط واقوم اخطط وماني مصدق على الله





المهم ثاني يوم يكلمني عمي



قال فيه دورة تحسين الخطوط ابيك تشارك فيها بالمدرسه



وفعلا شاركت فيها وتحسن مستواي وكنت وقتها عندي رغبه ومتحمس





وتطورت بعدها وكانت فيه دوره على مستوى مدارس محافظة القريات وشاركت فيها



وأستفدت من استاذ الخط وزملائي المشاركين معي



وشاركت في المراكز الصيفيه وتطورت عندي الموهبه



ونجي لأهم مرحله في حياتي على مستوى الخط



المرحله المتوسطه

واذكر وقتها اني كنت استعرض بخطي قدام الشباب بالصف واشوف ردة فعلهم مشجعه ولاحظت هالشي من الطلبات اللي تجيني كل واحد يقول ابيك تخطط لي اسمي وانا مستانس وطاير من الفرحه

واخطط للشباب وحتى اللي مايطلب مني اكتب اسمه واهديه له



وهذا بحد ذاته وقتها اعتبره تشجيع ودعم معنوي وكانت لي شعبيه عند الطلاب والمعملين



وفي أول متوسط تجي دوره على مستوى المدرسه واشارك فيها واخذ المركز الثاني واللي اخذ المركز الاول زميل لي وخطاط مبدع ومحترف سوداني الجنسيه وكنت استفيد منه



وبالصف الثاني متوسط كان فيه حفل الختامي لمدارس القريات وكنت انا الطالب الوحيد اللي شارك بالخط العربي بالحفل والحفل وقتها كان رعاية محافظ القريات الأستاذ محمد عبدالله الحواس رحمه الله

ولما كان ياخذ جوله على كل نشاط جاء الدور علي وشاف لوحاتي وقال لي ماشاء الله عليك والله يكفيك شر العين وقال لي ابيك تكتب اسمي



وانا ماصدقت على الله محافظ القريات بكبره يطلب مني اكتب اسمه ماتتخيلون شعوري وقتها



وكتبت { إهداء إلى رمز القريات أحمد عبدالله الحواس من ابنك احمد الشراري.. ولما قرأ العباره قال : ماشاء الله عليك وحبني ومسح على راسي واخذ الورقه معاه وقال بحتفظ فيها

وانا وقتها ماحد قدي بس افكر متى اروح للبيت حتى ابشر الوالد والوالده وعمي



<<<<< يحس انه طول عليكم وانتم تقرون وتقولون متى تخلص هالقصه ماصارت قصه صارت مسلسل تركي



وابي اختم لكم القصه بإختصار



أستمرت مشاركاتي بالخط في جميع المراحل حتى المرحله الجامعيه وحصلت على العديد من المراكز





الشاهد في القصه



أن اخوانا الصغار وبالتحديد اللي بالمرحله الإبتدائيه متعددين المواهب بس هم بحاجه للدعم والتشجيع منا



يعني لو احد منكم بعد قراءة قصتي الواقعيه

وله اخو بالصف الرابع الإبتدائي وقال له كم كلمه تشجيعيه ووعده بهدايا سواء بالخط او بأي مجال

انا واثق راح تكون النتيجه إيجابيه



ومثل ماقلت لكم بدايتي كانت من تجربه والحمدلله نجحت



على فكره طبقت هالتجربه على بعض اقاربي الصغار ونجحت معهم التجربه





<<<< أحس أن فيه بعضكم يقول طيب يااحمد واللي بأعمارنا ويبون يحسنون خطهم وشلون ؟

أقول كل ماعليك اذا لك اخو بالمرحله الإبتدائيه عنده كتاب خط عربي واذا ماعندك تروح لأقرب مكتبه وتشتري كتاب خط عربي وتقلد فيه كتابة الحروف والعبارات وخلال شهر بإذن الله راح يكون خطكم متحسن بشرط تكون عندكم القابليه وحب التعلم



وكل مازادت مدة التعليم كل ماتحسنت خطوكم اكثر









أشكركم على متابعتكم





وأدري فيه فضول عند البعض ويقول نبي نشوف نماذج من خطوطك وانا اقول ابشر

يارب تنل اعجبكم

مشكور اخوي

العفوووو

واصلـ ابدعاتكـ اخوويــ القناصــ

مشكـور أكمل ابداعاتك

العفوو خيو ●[ آرِڪ‘ـَض وآلِح‘ـَق‘ـَن

مشكووور والله اني متحمسه في القصه
بس تستاهل القرايه
مره مفيده ويسلمو واستمر بمواضيعك الجناااان

طيب يا انسى التعاسة عند الوناسة ابغاك تخطلي لو سمحت